-->

كوالكوم تعلن عن 3 بروسيسور هتغير من سرعة وقوة أداء الموبايلات الجديدة


كوالكوم تعلن عن 3 بروسيسور هتغير من سرعة وقوة أداء الموبايلات الجديدة 

كوالكوم نزلت من عشر أيام 3 بروسيسورات جديدة بس كفاءة.. وبتوع الجيمز والتصوير هينبسطوا منها أوي 
البروسيسورات هي سناب دراجون 730 و730G و665 واضح جدا طبعا انهم لعائلات الفئة المتوسطة عشان معروف ان بروسيسورات كوالكوم لموبايلات الفلاجشيب هي عيلة الـ 800 وانت طالع 
📱سناب دراجون 730 و730G زي بعض في كل حاجة:
8 أنوية من نوع Kyro 470 بتردد 2.2 جيجاهيرتز منهم 2 للمهام التقيلة والستة الباقيين للمهام اليومية الطبيعية الخفيفة
متصمم ومتصنع بتقنية الـ 8 نانومتر
كارت جرافيكس Adreno 618
يشيل معاك لحد 8 جيجابايت رام
يشغل WiFi 6.0 وبلوتوث 5.0
ويقدر يشغل تقنية الشحن السريع QuickCharge 4.0
يقدر ينجز مهمات بالذكاء الاصطناعي أسرع مرتين من الجيل اللي قبله 710
ده غير قدرته كمان على دعم قدرات تصوير عالية جدًا
بكاميرا خلفية 3 عدسات منها واحدة عدسة واسعة والتانية عمق الصورة Depth of Field والتانية رئيسية عادية
اللطيف انه كمان بيدعم تقنيات الذكاء الاصطناعي اللي بتخلي الكاميرا تفهم هي شايفة ايه وده من خلال بروسيسور مخصوص Spectra 350
بيقدر كمان يلقط فيديوهات 4K HD
ده غير شريحة مودم X15 LTE بسرعة نقل داتا 800 ميجابت في الثانية
🎮ضيف لكل ده بقى، ان الـ 730G مخصوص للجيمز أصلا
فهو جاي بأداء أعلى 15% على مستوى معالجة الجرافيكس
ومنصة مخصوص للجيمز اسمها Elite Gaming Platform
واللي هيبقى فيها مزايا كتيرة زي تقليل معدل التأخير في معالجة الجيمز اللي بتلعبها عن طريق الواي فاي بميزة WiFi Latency Management
ده غير تقليل نسبة التقطيع في الجيمز اللي بتتعرض بمعدل 30 لقطة في الثانية
وكمان تقنية عرض HDR Gaming
والمنصة دي أول مرة تتزل في بروسيسور فئة متوسطة لإنها أول ما نزلت كانت في سناب دراجون 855 ديسمبر اللي فات!
📱أما بقى سناب دراجون 665 بقى فهيشتغل بمودم X12 بسرعة 600 ميجابت في الثانية، وكمان قدرات تصوير هايلة سواء في الإضاءة الضعيفة Low light Photography وكمان صور البورتريه والتعرف على المشاهد Scene Detection والترجمة بالكاميرا AR Translation ، وده طبعا جمب بروسيسور الجرافيكس اللي هيديك أداء معقول Adreno 610 !
الموبايلات هتنزل بالبروسيسورات الجديدة على صيف السنة دي إن شاء الله!
مدير الموقع
كاتب المقالة
كاتب ومحرر اخبار اعمل في موقع مزيج رقمي .

جديد قسم : مواصفات

إرسال تعليق