-->

مميزات كاميرا النوت 10 الجديدة والنوت 10 بلس - مزيج رقمي

مميزات كاميرا النوت 10 الجديدة والنوت 10 بلس
سامسونج أعلنت عن كاميرا النوت 10 الجديدة، بعيدا عن العدسات التلاتة اللي في الضهر 12 ميجابكسل رئيسية بفتحة عدسة متغيرة بين f/1.5 وf/2.4 والتانية واسعة 123 درجة 16 ميجابكسل والتالتة 12 ميجابكسل ، الاهم من كل ده توظيف كل الكلام ده اتعمل ازاي وكمان السينسور الرهيبة الزيادة في النوت 10 بلس DepthVision .

مع النوت 10 هتقدر تظبط وضع الفوكس في الفيديوهات كمان مش بس في الصور
يعني هتقدر تركز ع عنصر معين وتموه على كل اللي في الخلفية عشان الفيديو يطلع خرافي، وده كلو باستخدام ميزة Live Focus .
مع النوت 10 بلس فيه السينسور بتاع عمق الصورة ده بيخليك تقدر تاخد نسخة 3D دقيقة جدا لأي حاجة قدامك، بحيث تقدر تاخد النسخة دي وتعمل عليها شغل في الجرافيكس ، وكمان تقدر تاخد النسخة دي تدخلها على طابعة ثلاثية الأبعاد بحيث تعمل مجسم 3D .

النوت 10 بلس هتلاقي جوا أبلكيشن الكاميرا زرار AR Doodle واللي بيخليك تقدر ترسم فلاتر 3D بقلم S Pen مباشرة على الشكل اللي قدامك في شاشة الموبايل وشايفاه الكاميرا، بمعنى ان لو بتصور صاحبك ممكن ترسمله أي حاجة علي وشه 😂


وميزة  الـSuper Steady اللي سامسونج بتقدمها مع النوت 10 واللي معتمدة على نظام ذكي سامسونج علمته انه يفهم سرعة واتجاه حركة المستخدم وهو بيصور فيديو وبيتحرك بحيث يقدر يقدم عملية تصوير ثابتة جدا لأي مشهد متحرك مهما كانت سرعته، هتحس فعلا انك مركب موبايلك في عصاية مثبت موبايلات Mobile Stabilizer وتطلع فيديوهاتك بكواليتي عالي .وميزة Audio Zoom واللي معتمدة ان فيه 3 ميكروفونات مخصوصين لتصوير الفيديو بحيث الصوت بتاع الحاجة او الشخص اللي بيتصور وظاهر جوا الكادر يطلع واضح ونقي جدا، وكل ما عملت زوم، كل ما الميكروفونات دي صفيت الاصوات وركزت بس على أصوات اللي بيحصل جوا الكادر حتى مع استمرار الزوم .بالاضافة لنظام كامل متكامل لضبط الصور والفيديوهات وتحريرها كإنك قاعد شغال جوا استديو.
مدير الموقع
كاتب المقالة
كاتب ومحرر اخبار اعمل في موقع مزيج رقمي .

جديد قسم : مواصفات

إرسال تعليق